දිව්‍යමය හෙළ ඔසුවක් වන නෙල්ලි ගැන ඔයා මේ දේවල් දැනන් හිටියද?

හුරුල්ලො මාළු මැල්ලුම .. අවශ්‍ය දේවල් .. 🔸 හුරුල්ලන් මාළු 200 g 🔸 අලුත ගා ගත් පොල් කෝප්ප 1/2 ( පොල්වල සුදු පාට ටික ගාලා ගන්න) 🔸 පොඩියට කොටු කපා ගත්ත පොඩි බී ළූණු ගෙඩියක් 🔸 චොප් කර ගත්ත අමු මිරිස් කරල් 3 - 4 🔸 චොප් කර ගත්ත සුදු ළූණු බික් 2 🔸 රම්පෙ කෑලි දෙකක් එක්ක කරපිංචා ටිකක් 🔸 ගම්මිරිස් කුඩු තේ හැන්ඳක් 🔸 කහ කුඩු තේ හැඳි 1/2 🔸 අමු තුනපහ කුඩු තේ හැඳි 1/2 🔸 පොල් විනාකිරි හෝ දෙහි ඉස්ම ටිකක් 🔸 පොල් තෙල් මේස හැඳි 2 - 3 🔸 රස අනුව ලුණු හදන විදිය .. 🔸 මාළු ටික සුද්ද කරලා , කටු තියෙන උඩ කොටස හරහට ටිකක් වැඩිපුර කපලා දාන්න. ඊට පස්සෙ දෙකට හෝ තුනකට කෑලි කපන්න. දැන් මාළු කෑලි ටික බාජනයකට දාලා ඒකට , ලුණු කුඩු ,ගම්මිරිස් කුඩුවලින් තේ හැඳි බාගයක් , කහ කුඩුවලින් ටිකක් එක්ක විනාකිරි හරි දෙහි ඉස්ම හරි ටිකක් දාලා හොඳට අත ගාලා විනාඩි පහළොවක් විතර සීසන් කර ගන්න. ( මේකට දෙහි දානවට වඩා ගොඩාක් රසයී, විනාකිරි දැම්මාම. තියෙනවා නම් පොල් විනාකිරි පොඩ්ඩක්ම දාන්න) 🔸 ඊලඟට පෑන් එකක් ( මේකට පැතලි හොඳට ඉඩකඩ තියෙන පෑන් එකක් ගන්න.) අඩු ගින්දරේ ලිපේ තියලා , තෙල් ටික දාලා හොඳට රත් කරන්න. තෙල් රත් වෙද්දී සීසන් කර ගත්ත මාළු කෑලි ටික තෙල් උඩ අතුරන්න. දැන් සැරෙන් සැරේට දෙපැත්ත පෙරලලා මාළු ටික හොඳට බැද ගන්න.. 🔸ඒ අතරෙ මාළු කෑලි ටික සීසන් කර ගත්ත බාජනයෙ ඉතුරු වෙලා තියෙන ගම්මිරිස් විනාකිරි මිශ්‍රණයටම ගා ගත්ත පොල් ටිකයි , ඉතුරු කහ කුඩු ටිකයි , ගම්මිරිස් කුඩු ටිකයි , අමු තුනපහ කුඩු ටිකයි , ලුණු කුඩු චූට්ටකුයි ( ලුණු දාද්දී පරෙස්සමින් . මොකද මාළුවලත් ලුණු තියෙනවා ) දාලා හොඳට අත තද කරලා අනාගෙන තියා ගන්න. 🔸 දැන් හොඳට බැදුණු මාළු කෑලි ටික පෑන් එකෙන් අයින් කරලා පිඟානකට දා ගන්න.ඊට පස්සෙ පෑන් එකේ ඉතුරු වෙලා තියෙන තෙල් ටිකට මුලින්ම රම්පෙයි කරපිංචා ටිකයි දාන්න.. ඊට පස්සෙ සුදු ළූණු , අමු මිරිස් එක්ක කපා ගත්ත බී ළූණු ටික දාලා විනාඩි දෙක තුනක් හොඳට තෙම්පරාදු කරන්න. 🔸 ඊලඟට මේ තෙම්පරාදුවට අනා ගත්ත පොල් ටික දාන්න. දැන් ඒ ටිකත් විනාඩි තුන හතරක් හොඳට මලව ගන්න.. දැන් මේකට බැද ගත්ත මාළු ටික දාලා හොඳට කලවම් කරලා තවත් විනාඩි කීපයක් ලිපේ තියලා , අන්තිමට දෙහි ඉස්ම පොඩ්ඩකුත් දාලා කලවම් කරලා ලිපෙන් බාන්න..