ඕනිම දෙයක් එක්ක කන්න පුළුවන් ඉක්මනින් හදා ගන්නත් පුළුවන් රසම රස සීනි සම්බෝලයක් හදමුද එහෙනම්.🙃 මම කියනවට මේක එකම එක සැරයක් හදලා බලන්න. හැමදාම කන්න හිතෙයි.
සීනි සම්බෝල ⚡🍂🇱🇰
අවශ්ය ද්රව්ය :
✅ තීරු කපා ගත්ත ලොකු ලූනු ගෙඩි 4 ක්
✅ සීනි මේස හැඳි 3 ක්
✅ කෑලි මිරිස් මේස හැඳි 3 ක්
✅ සියඹලා මේස හැඳි 1 ක්
✅ උම්බලකඩ මේස හැඳි 2 ක්
✅ තෙල් මේස හැඳි 3 ක්
✅ කුඩාවට කපා ගත්ත රම්පෙ මේස හැඳි බාගයක්
✅ කුඩාවට කපා ගත්ත කරපිංචා කොළ මේස හැඳි බාගයක්
✅ කුඩු කර ගත්ත කරදමුංගු ( එනසාල් ) 2 ක්
✅ කුඩු කර ගත්ත කරාඹු නැටි 2 ක්
✅ කුරුඳු කුඩු මේස හැඳි බාගයක්
✅ රස අනුව ලුණු
සාදන ක්රමය :
✅ මුලින්ම පෑන් එකක් ( මේකට අඩිය අල්ලනේ නැති හට්ටියක් හරි තාච්චියක් හරි ගන්නත් පුළුවන් ) ලිපේ තියලා ඒකට තෙල් ටික දාලා රත් වීගෙන එද්දී කුඩාවට කපා ගත්ත රම්පෙ , කරපිංචා ටික දාලා තෙලේ හොඳට බැද ගන්න. ( පුළුවන් තරම් රම්පෙ , කරපිංචා කුඩාවට කපා ගන්න. )
✅ ඊට පස්සේ ඒකටම උම්බලකඩ ටික එකතු කරලා කලවම් කරලා කෑලි මිරිස් , සීනි , කරදමුංගු , කරාඹුනැටි , කුරුඳු කුඩු දාලා හොඳට කලවම් කරන්න. ( කරදමුංගු , කරාඹුණැටි , කුරුඳු එකතු කරද්දී කෑලි විදිහට එකතු කරන්න එපා. කුඩු කරලම එකතු කරන්න. එතකොට සීනි සම්බෝලය ගොඩාක් රසයි. )
✅ ඊට පස්සේ මේකට ලූනු ටික එකතු කරලා කලවම් කරලා ලූනු වල වතුර පෑදෙනකන් පියන වහලා මද ගින්දරේ ටිකක් වෙලා තියා ගන්න.
✅ ඊට පස්සේ පියන ඇරලා ආයේ සැරයක් කලවම් කරලා මද ගින්දරේ වතුර ටික හිඳිලා තෙල් පෑදෙනකන් පියන ඇරලා උයා ගන්න.
✅ තෙල් පෑදෙන්න සීනි සම්බෝලය හදා ගෙන අන්තිමට සියඹලා ටික එක්ක රස අනුව ලුණු එකතු කරන්න.
✅ ඉති මේ විදිහට හැදුවොත් ඔයාට පුළුවන් රසට, ලස්සන දුඹුරු පාටට මේ සීනි සම්බෝලය හදා ගන්න. දවසක මේ රෙසිපි එකට සීනි සම්බෝලය හදලා බලන්න රෙසිපි එක save කරලම තියා ගන්න.
✅ ඔයාලත් මේ විදිහට හැදුවොත් මටත් කියන්න අමතක කරන්න එපා හොඳේ...🥰
✍️ ෂහිනි සිල්වා
SHAHI'S_kitchen
2025.04.28
මේ වගේ තවත් මම හදන රස කෑම වට්ටෝරු ගැන දැන ගන්න කැමති නම් මාත් එක්ක දිගටම එකතු වෙලා ඉන්න කියලා ආදරෙන් ඉල්ලනවා.🥰❤️
📌 මෙම පෝස්ට් එකෙහි සියලුම හිමිකම් මා සතුය.මෙය share කිරීමට පමණක් කාරුණික වන්න. මෙහි ඇති ඡායා රූප , ආහාර වට්ටෝරු හා තොරතුරු අනවසරයකින් උපුටාගැනීම , විකෘති කර පල කිරීම , දිය සලකුණු ඉවත් කිරීම හා වෙනස් කිරීම , වෙනත් පුද්ලයන්ගේ නම් හා දිය සලකුණු සමග පල කිරීම සපුරා තහනම්.
Comments
Post a Comment