ශීු ලංකිය ⁣අහාරපාන වල රසය විදගන්න

අළුවා රෙසපි 5ක් 1. රුලං අළුවා අවශ්‍ය ද්‍රව්‍ය:- රුලං ග්‍රෑම් 200 සීනි ග්‍රෑම් 250 වැනිලා ස්වල්පයක් පොල් කෝප්ප 1 කරදමුංගු ඇට 3 පොල් පැණි කෝප්ප 1/4 සාදන ක්‍රමය :- මුලින්ම රුලං ටික කබලෙ බැදගන්න. ඊළඟට තාච්චියක් ලිපේ තියලා සීනි ටික දාලා උණු කරගන්න. පැණි වේගෙන එනකොට ඒකට පොල් පැණි ටිකත් එකතු කරලා පොල් ටික දාලා කලවම් කරගන්න. කරදමුංගු හා වැනිලා එකතු කරගන්න. අන්තිමට රුලං ටික දාලා හොඳට තලපයක් වගේ කලවම් කරගන්න. ටිකක් හයි වේගෙන වගේ එනකොට බටර් ගාගත් ට්‍රේ එකකට දාලා තුනී කරලා කෑලි කපාගන්න. 2. මිල්ක්මේඩ් අළුවා අවශ්‍ය ද්‍රව්‍ය:- මිල්ක්මේඩ් ටින් ලොකු ටින් එකෙන් 1/2 සීනි ග්‍රෑම් 350 හාල්පිටි ග්‍රෑම් 500 ලුණු කපාගත් කජු ස්වල්පයක් කරදමුංගු ඇට 3 වතුර (මිල්ක්මේඩ් ටින් එකෙන් 1/2ක්) සාදන ක්‍රමය :- හාල්පිටි ටික කබලෙ බැදගන්න. වෙනම තාච්චියක් ලිපේ තියලා මිල්ක්මේඩ්, සීනි හා වතුර දාලා හැඳිගාන්න. රස අනුව ලුණු හා කරදමුංගු ටික දාගන්න. උතුරනකොට ලිපෙන් බාලා හැඳිගාන්න. දැන් කරදමුංගු ඇට අයින් කරලා හාල්පිටි ටික ටික කලවම් කරමින් අලුවා තලපය හදාගන්න. පිටි ඉසගත් තැටියකට තුනී කරලා උඩින් තව පිටි ටිකක් ඉහලා උණුවෙන්ම කෑලි කපාගන්න. 3. කිරි අළුවා අවශ්‍ය ද්‍රව්‍ය :- හාල්පිටි ග්‍රෑම් 500 මිටිකිරි කෝප්ප 1 1/2 සීනි ග්‍රෑම් 250 කුඩු කරගත් කජු ටිකක් කරදමුංගු ඇට 2 සාදන ක්‍රමය:- හාල්පිටි කබලෙ බැදගන්න. පොල්කිරි වලට සීනි දාලා ලිපේ තියලා හැඳි ගාන්න. ටිකකින් කරදමුංගු ඇට හා කජු ටික දාගන්න. ලිපෙන් බාලා කරදමුංගු ඇට අයින් කරගන්න. හාල්පිටි වලට ලුණු දාලා මිශ්‍රණයට ටික ටික එකතු කරගන්න. ටික ටික ඝන වේගෙන එනකොට ලිපෙන් බාලා බටර් ගාගත් තැටියකට දාලා තුනී කරගන්න. උඩින් හාල්පිටි ටිකක් ඉසගන්න. 4. පැණි අළුවා අවශ්‍ය ද්‍රව්‍ය :- හාල්පිටි ග්‍රෑම් 500 පොල්පැණි බෝතල් 1/2 සීනි ග්‍රෑම් 50 කපාගත් කජු ඇති පමණ සාදන ක්‍රමය :- හාල්පිටි කබලෙ බැදලා පැත්තකින් තියාගන්න. පොල්පැණි හා සීනි එකතු කරලා උණු කරගන්න. පැණි උණු වෙන පදම බලාගන්න වතුර වීදුරුවකට පැණි බිංදුවක් දාලා බලන්න. වතුරෙ දිය නොවී යට යනවනම් පදම හරි. දැන් ලිපෙන් බාලා පැණි ටික ටික හාල්පිටි වලටඑකතු කරන්න. කජු ටිකත් දාගන්න. හොඳට කලවම් කරලා බටර් ගාගත් ට්‍රේ එකක තුනී කරලා ඉක්මණින් කෑලි කපාගන්න. 5. බටර් අළුවා අවශ්‍ය ද්‍රව්‍ය:- හාල්පිටි ග්‍රෑම් 500 සීනි ග්‍රෑම් 500 බටර් ග්‍රෑම් 100 මුද්දරස්පලම් රෝස් එසන්ස් තේ හැඳි 1/2 (අවශ්‍ය නම්) කරදමුංගු ඇට 2 ලුණු සාදන ක්‍රමය :- හාල්පිටි කබලෙ බැදගන්න. තාච්චියකට සීනි හා වතුර කෝප්ප 1ක් දාලා කලවම් කරගන්න. සීනි දියවෙලා පැණිපත් වේගෙන එනකොට බටර් ටික දාලා හැඳිගාන්න. කරදමුංගු, ලුණු හා මුද්දරස්පලම් එකතු කරලා රෝස් එසන්ස් දාගන්න. දැන් හාල්පිටි ටික ටික කලවම් කරගන්න. මිශ්‍රණය ඝණ වේගෙන එනකොට ලිපෙන් බාලා බටර් ගාගත් තැටියකට දාලා තුනී කරගෙන උණුවෙන්ම කෑලි කපාගන්න. උපුටා ගැනීම Life lk ඉදිරිපටත් කිරීම Garlic and Ginger